Incumbensa da la CPI

La cumissiun da concurrenza da la Confederaziun (CUMCO) ha constatà en l'Engiadina Bassa cunvegnas illegalas da gronda purtada en la branscha da construcziun auta e bassa e decretà multas autas. L'impressari A.Q., che haja scuvert il cas, fa renfatschas a la polizia pervi da sia arrestaziun.

 

Sin fundament da questas infurmaziuns ha il Cussegl grond dà a la CPI ils 13 da zercladur 2018 la suandanta incumbensa:

 

a) examinar e sclerir las responsabladads e l'administraziun d'uffizi dals commembers da la Regenza chantunala, dals departaments e dals uffizis, surtut dal Departament da construcziun, traffic e selvicultura en connex cun las cunvegnas da cartel colportadas en la branscha da construcziun grischuna;

 

b) examinar il controlling e la surveglianza interna sin il stgalim dals departaments e da las unitads d'administraziun; examinar il tractament d'indizis e d'infurmaziuns en connex cun las cunvegnas da cartel colportadas en la branscha da construcziun grischuna;

 

c) intercurir las intervenziuns da la polizia ed il cumportament d'ulteriurs uffizis involvids visavi A.Q.;

 

d) examinar l'execuziun da la surveglianza da tut ils uffizis involvids directamain u indirectamain en las intervenziuns da la polizia.